عسى الله يصونه !!

عدن((عدن الغد)) خاص

    حامد جعفر الحامد  
         -------------   
 
غارت نجوم الليل منه، سهيل و ،، عطار و نجم الفجر من دونه !! 
 
و طارت حرفين من اسمه رقرقت ،،  فؤاد المعذب في شجونه !! 
 
و خلت دموع المحب تتحجر على ،، خديه و شيء في عيونه !! 
 
بـيذوق البرد من ضيع دفاه و ،،   كل مغبون تاه فارق حصونه !! 
 ---  

بدنه يرجف من البرد مع عظمة ،،  حرام عليكم ما تدفؤنه !! 
 
و الفؤاد، بـجمر الشوق يتكلكل ،،  ليه يا عرب ما تسعفونه !! 
 
لا تقولوا الوقت ولى و فات ،، عاد قلبه لم يزل في سهونه !! 
 
الحقوه اليوم قبل ما يهلك ،،  و تطلع نن عينية من جفونه !! 
 ---  
 
يا نجم عالي في السماء عليك ،،   في الأرض نفس محنونة !! 
 
جد بـنورك و لا تبخل و ارحم ،، حالة المظنون و بدد ظنونه !! 
 
و يا سحب ولي عنا و أبعدي لا ،، تحجبيه دعينا ننعم بـنوره !! 
 
و يا دابسين النوب بـالله قولوا ،،  لي العسل من كم تبيعونه ؟؟ 
 
بغيت بغية لـمحبوب قلبي مع ،،   هدية بـعطر العود مدهونة !! 
 
قالوا من محبوب قلبك قلت ،، نجم يتلالئ عسى الله يصونه !! 
            ☆☆ ☆☆☆ ☆☆           
 
      #حامد_جعفر_الحامد 
         عدن / الجنوب 
          الجمعة:  13 / 05 / 2022 
 
 
#HAMED_J_ALHAMED        
 
.