يا شعب ...إين ذاك الحمـــــــاس؟

عدن((عدن الغد)) خاص

ياشعب قال الجنـــوبي اين ذاك الحماس
له صرت محتاج عالواقع  يجدد حماسي

ذي كــــــان بالأمس يمنحنا عزيمة وباس
وكان نبراس يهــــــدينا الطريق الأساسي

يوم انتفضنا وحـــــــددنا هدفنا  الأساس
والقلب له بالسعة والرحب ردت  حواسي

الحرية  والكـــــــرامة  عندي  اغلى لباس
من اجلها ثرت  لو كان الثمن  قطع راسي

واليوم من بعد  ماصرنا بخــــــط التماس
زاد النكد زاد حـــــــولي والهرم  والمآسي

ووضع يحكي له الواقـــع شطط والتباس
أسوأ  من اللي وقعنا  فيه   مؤلم وقاسي

فيه الصراحــــــة غبية والغبي صار  راس
وبضعة  اشخاص  من يتحكموا بالكراسي

والمر  للشعب  منه  يرتوي  ألف كـــــــاس
وواقع   الناس  ذكرني   الذي  كنت ناسي

الصمت مافيش له داعــــــي ولا له أساس
بعد الـــــــذي صار يالله وين أهلي وناسي

يصحى مـــــن النوم ذي لازال فيه النعاس
حان الوفاء خلهم يتجــــرعوا نفس كاسي

الصبر  ماعـــــــاد يمنحني  ثقة واحتراس
وانا الذي  قلت  والله  مايطول  احتباسي

بالإنجـــــــليزي  أمانة  ردوا  الصوت ياس
مادام والوضع حـــــــدد زاوية الانعكاسي

الأرض أرضي  وانا  فلاحـــــــها  بالأساس
والبسط والسيطرة  تحسم بعوج الكراسي

حتى ولو من كلامي يزعــــلوا بعض ناس
هم من يريدون تحدث عثرتي  وانتكاسي

الفرق موجــــــود مابين الذهب والنحاس
للمرحلة  دور في  فرز الذهب من نحاسي

وابعث رسالات  للعالـــــــم بنفس المقاس
من همه الأمــــــر في تغريدتي واقتباسي

حسمت أمري وحــــددت الهدف والقياس
هيهات هيهات قل له مستحيل  افتراسي
              كلمات.الشاعر.
   حنش.ثابت.ابو.عادل.الحالمي
2022/11/25..