آخر تحديث :الجمعة-29 مارس 2024-06:56م

أدب وثقافة


 (حبيتك)- قصيدة 

الخميس - 23 يناير 2020 - 08:12 ص بتوقيت عدن

 (حبيتك)- قصيدة 

القاهرة ((عدن الغد)) خاص:

     (حبيتك) 

الشاعر / عصام السيد محمود

يا ام العيون السراقه

سرقتي قلبي وفين الاقيه

سهام رموشك جرحتني

رشقت في قلبي وسكنت فيه

نظرة عنيكي مجنناني

دوبت قلبي الوحداني

كل اما تيجي عينك في عيني

بتحير انا وبجد بعاني

لو يوم لمحتك وانتي بعيده

يدق قلبي دقة جديده

اول ما اشوف نظراتك ليا

بحس روحي بجد سعيده

وحياة القلب المفتون         حبيتك ايوة بجنون

مش عارف اهرب من حبك                              ولا هو عليا بيهون

يلي خطفتي القلب معاكي

بقي مش قادر يوم ينساكي

شكله خلاص اتعلق بيكي

لأ وكمان بيموت في هواكي

اول مره قابلتك فيها

اتعلقت  انا بيكي بعديها

حسيت اني غرقت ف حبك

ومشاعري عمال بداريها

بتطارديني ف منامي واحلامي

في خيالي ودايما قدامي

بتمنالك تبقي سعيده

ما انتي الحلو اللي ف ايامي

وحياة القلب المفتون.         حبيتك ايوة بجنون

مش عارف أهرب من حبك                               ولا هو عليا بيهون 

[email protected] 

شاعر الرومانسية والاحزان f