لأ ما ما تش- قصيدة

اللي مـــات عشان بــــــلاده                      لأ مــــامــــاتش

واللي عاش يخــون ولاده                       مــــاتـــولـــدش

اللي لبلاده وهـــب روحـــه                      اللي بيــــضحي و علشانـــــها اللي مش باصص لجـــــروحه          اللي  ماعندوش أغلي منها

اللي بلده  أبـــــــوه  وأمـــــه                     اللي حبها يسري في دمـــــه

اللي هايبيع الدنيا دي                   وعشان خاطرها يداري همه

يبــــقي وحــــش

واللي بيفرط ف ارضــــه     اللي ما بيسترش عــــرضـــه

اللي بيخون الأمــــانــــه      حتي  ما بيعرفش فرضه

اللي بيــطلع أســــرارها       اللي فرحان أوي بـــدمارها

اللي عايش  كإنه ميت       اللي كل حاجة  هايخسرها

ما تــــولدش

واللي بيفدي وطنه ونــاسه        اللي بلده هي أساســـه

اللي بيسيل دمه عــــشانها       اللي شالها كمان علي راسه

اللي عايش قلبه حديد                  اللي نصر بلاده له عيد

اللي لو طالابته  يوم جالها         ما يسيبهاش ويروح لبعيد

لأماماتش

واللي ما يقدرش تــرابها           اللي للأعداء بيســيبها

اللي ما يهموش أروحنا     اللي بيزود ف جروحنا

 اللي عمره ما صان العشرة    اللي مطلي بدهب قشـــــرة

اللي خان العــــيش والمـــــلح     حتي استخسر  زف البشري

بالنسبة لينا ما تولدش

اللي مات عشان بلاده     لأ ما ماتش

اللي عاش يخون ولاده    ما تولدش

كلمات /شاعر  الرومانسية والأحزان

عصام السيد محمود

[email protected]