الأربعاء - 17 يناير 2018 - 11:48 ص بتوقيت عدن
كتب/علي بن محمد بن مصطفى اليافعي
الشعب عانى والسبب
للآن ما أعرف ما السبب؟
ما أعرف من اللي أخطى وأصاب
نحنُ غلطنا بالحساب
= = = =
كل الأمور تداخلت
كل المراحل ما خلت
من العجائب والعجاب
نحنُ غلطانا بالحساب
عدن جريحة والجنوب
وقاداتنا قادة جيوب
هم يأخذوا أجر وحساب
بكرة سنشعر بالألم
ونعض أصابيع الندم
للآن ما شفنا الصعاب
كثير ناس استبشرت
وهلّلت وكبّرت
قالوا انتهى وقت العذاب
قلنا لهم خفوا المسير
شوفوا الأمور كيف تسير
وبعدها ردوا الجواب
قد كنت حاسس وضعهم
ما في فوائد منّهم
لا خير من وجه الغراب
ولّوا قضايانا عيال
وغيّبوا خير الرجال
اللي لهم مخلب وناب
ما حد سمع نصيحتي
ولا قبل وصيّتي
ردوا عليها بالسُّباب
ما شيء قبلنا بعضنا
ولا حسمنا أمرنا
نمشي وسط ريح وضباب
والآن يا ناس اسمعوا
لكل ما قوله وعوا
نعيد ترتيب الحساب
من قبلما نصبح هباء
إذا استمر فينا الغباء
كلأ يشوف أنه صواب
في الختم ندعو ربنا
إنه يجمّع شملنا
ونجتمع شيبة وشاب
